×

Тәрбие жоспары

Материалдар

Амал мерекесіне орай 8-сыныпта “Наурыз-жыл басы” тақырыбында сынып сағаты өткізілді.
Сынып сағаты барысында оқушылар Наурыз мерекесінің шығу тарихымен танысып, оның жыл басы ретіндегі мәнін түсінді. Сонымен қатар көрісу дәстүрі, ұлттық ойындар мен салт-дәстүрлер туралы мәліметтер айтылып, оқушылар өз ойларын ортаға салды. Оқушылардың қызығушылығын арттыру мақсатында қол күресі және шаш өру сайыстары ұйымдастырылды.
Амал мерекесіне орай мектебіміздің асханасының аспазшылары оқушыларға арнап ұлттық тағам-Наурыз көже дайындап ұсынды. Оқушылар Наурыз көжеден дәм татып, аспазшыларға шынайы алғыстарын білдірді.
Ұлттық құндылықтарды дәріптеп, игі іске ат салысқан асхана қызметкерлеріне үлкен рахмет!
📍Күй күмбірі
Сағынғали Ақерке
Арсланбек Сұлтанбеков
“Домбыра” күйі
🎶”Күй күмбірі” республикалық челленджі🎶
Ағылшын тілі пәні мұғалімі: Тілеген Мөлдір
Авторы:Әбдімомын Желдібаев
“Ерке сылқым” күйі

Оқушылар құқық бұзушылықтың салдары, нашақорлық пен құмар ойындардың зияны, буллингтің психологиялық әсері, сыбайлас жемқорлыққа қарсы тақырыптарды талқылап, өз ойларымен бөлісті.

Мақсаты: Жасөспірімдер арасында құқықбұзушылық, нашақорлық, буллинг, лудомания және сыбайлас жемқорлық сияқты теріс құбылыстардың алдын алу, құқықтық сауаттылықты арттыру. Сонымен қатар, оқушыларды салауатты өмір салтына баулу, өз әрекетіне жауапкершілікпен қарауға, адамгершілік, адалдық және жоғары моральдық құндылықтарды ұстануға тәрбиелеу.

“Ұлағат” ұлдар клубының жиналысы барысында оқушылар құқық бұзушылықтың салдары, нашақорлық пен құмар ойындардың зияны, буллингтің психологиялық әсері, сыбайлас жемқорлықтың қоғамға келтіретін зардаптары туралы өз ойларын ортаға салды. Жиналыс олардың құқықтық және моральдық түсініктерін нығайтып, салауатты өмір салтын ұстануға және өз әрекеттеріне жауапкершілікпен қарауға ынталандырды.

Іс-шара нәтижесінде жасөспірімдер өз бойында адамгершілік пен адалдық құндылықтарын қалыптастыру қажеттілігін түсініп, құқық бұзушылық пен зиянды әдеттерден аулақ болуға бағытталды. Жиналыс өз мақсатына жетіп, оқушылардың құқықтық және әлеуметтік сауаттылығын арттыруға ықпал етті.

Қатысқаны: 87 ер бала, 7 мұғалім

“Инабат” қыздар ұйымының жылдық жұмыс жоспары аясында “Ерте жүктіліктің алдын алу және жат қылықтың қыз тағдырына әсері” тақырыбында қыздар жиналысы өткізілді.

Мақсаты:-Қыз балалар арасында ерте жүктіліктің алдын алу, жат қылықтардың салдары туралы түсіндіру жұмыстарын жүргізу;-қыз балалардың болашақ өміріне жауапкершілікпен қарауын қалыптастыру;

-ұлттық тәрбие мен адамгершілік құндылықтарды насихаттау;

Жиналыс барысында мектеп медбикесі Оразбаева Гүлнәр қыз балалардың денсаулығы, ерте жүктіліктің зардаптары, жеке бас гигиенасы, өз денсаулығына жауапкершілікпен қарауын түсіндірді. Қыз баланың абыройы мен ар-намысы, ұлттық тәрбиедегі қыздың орны, ата-ана мен мектептің бірлескен жауапкершілігі атап өтілді.

“Инабат” қыздар клубы  жиналысының ақпарламасы

“Ерте жүктіліктің алдын алу және жат қылықтың қыз тағдырына әсері” тақырыбындағы қыздар жиналысы қыз балалардың денсаулығы мен болашағына жауапкершілікпен қарауды түсінуге мүмкіндік берді. Жиналыс барысында медбике Оразбаева Гүлнәр қыз балаларға жеке бас гигиенасы, ерте жүктіліктің салдары, өз денсаулығына деген жауапкершілік, сондай-ақ абырой мен ар-намысқа құрмет көрсету қажеттігін түсіндірді.

Бейнеролик көрсету және пікір алмасу арқылы қыздар ерте жүктілік пен жат қылықтардың өмірге тигізетін теріс әсерін талқылап, ұлттық тәрбие мен адамгершілік құндылықтарды сақтаудың маңызын ұғынды. Жиналыс оқушылардың саналы шешім қабылдауына, болашақ өмірге жауапкершілікпен қарауына және өз денсаулығын қорғауға деген құндылықтарды қалыптастыруға ықпал етті. Нәтижесінде іс-шара өз мақсатына жетіп, қыз балаларды денсаулыққа, моральдық құндылыққа және ұлттық тәрбиеге тәрбиелеуде маңызды қадам болды.

Қатысқаны: 56 қыз бала, 6 мұғалім

“Адал азамат” біртұтас тәрбие бағдарламасының “Ұлттық ойын-ұлт қазынасы” шарасы аясында мектебіміздің дене шынықтыру пәнінің мұғалімі Көрпебаев Азамат 9-сыныптар арасында қазақтың ұлттық ойыны “Қазақ күрес” ойынын өткізді. Мақсаты: -Қазақтың ұмытылып бара жатқан ұлттық ойынын жаңғырту; -оқушылардың ойынға деген қызығушылығын арттыру; -үзіліс уақытын тиімді пайдалану; Іс-шара барысында оқушыларға қазақ күресінің ережелері түсіндіріліп, қауіпсіздік талаптары сақтала отырып, жарыс жоғары деңгейде өткізілді. Қатысушылар белсенділік танытып, өз күштері мен ептіліктерін көрсете білді. Ұлттық ойын арқылы оқушылардың спортқа деген қызығушылығы артып, салауатты өмір салтын ұстануға баулыды. Өткізілген “Қазақ күрес” ойыны тәрбиелік және спорттық тұрғыда өз мақсатына жетті. Оқушылар ұлттық спорт түрінің маңызын түсініп, батылдыққа, шыдамдылыққа, әділ бәсекеге және бір-бірін құрметтеуге тәрбиеленді. Сонымен қатар, оқушылардың дене дайындығы нығайып, командалық рухы мен өз-өзіне деген сенімділігі артты. Қатысқаны: 12 оқушы мен 1 мұғалім

Тәрбие бағыты бойынша атқарылған жұмыстар

© 2026