Киелі өлке Маңғыстаудың бүгінде даңқын асқақтатып, атағын шығарып жүрген төл перзенттері жетерлік.
Қай салада болмасын өзінің қолтаңбасын қалдырып, өлшеусіз еңбек еткен жандардың әрбір ісі тарих беттерінде сайрап жатыр. Сондай жандардың бірі – Сағын Ерқасұлы Қырымқұлов.
Еңбек жолын қарапайым геолог, барлаушы болып бастап, Қазақстанның мұнай-газ саласының дамуына сүбелі үлес қосқан үлкен тұлға.
Бүгін Е. Өмірбаев атындағы жалпы білім беретін мектебінде Түпқараған ауданының Құрметті азаматы, «Парасат», «Құрмет» ордендерінің иегері Сағын Ерқасұлы Қырымқұловпен «Қара алтын жолындағы қажырлы еңбек» тақырыбында кездесу кеші өтті. Кездесуге Сағын Ерқасұлының замандасы, ардагер геолог Қожықов Бөкенбай, Н. Марабаев атындағы «Мұнайшы» қорының өңірлік басшысы Өтесінов Аманжан, белгілі журналист Қибасов Мейрамбай, «Сағын Ерқасұлы Қырымқұлов» кітабының авторы Нұрғаным Имашева қатысты. Шара аясында замандастары өз естеліктерін айтып, оқушылардың сұрақтарына жауап беріп, кітап авторы Нұрғаным Имашева кітаптың таныстырылымын жасап, мектеп кітапханасына сыйға тартты.
