Қазақтың “Оң қолың берген нәрсені сол қолың көрмесін” деген аталы сөзі бар.
Қазақтың “Оң қолың берген нәрсені сол қолың көрмесін” деген аталы сөзі бар. Осы ұстанымды берік ұстанған талай жомарт жүректі адамдарды көріп жүрміз. Десе де, бала игілігі үшін жасалып жатқан әрбір игі іс көпке үлгі болуы керек деп санаймыз. Мектебіміздің 1997 жылы туған, бітіргендеріне 10 жыл болған түлектер тағы да қайырымдылыққа өз үлестерін қосты. Осы жолы аз қамтылған, әлеуметтік қолдауды қажет ететін бір оқушымызға 150 000 (жүз елу мың) теңге көлемінде қаржылай көмек көрсетті. Аталған қаржыға оқушымызға жазға және жаңа оқу жылына қажетті киім-кешек алынды. Жас та болса қол ұшын созып, өздерінен кейінгілерге үлгі боп жүрген түлектерімізге алғысымыз шексіз!
