Заң және тәртіп айы
«Заң және тәртіп айы» аясында мектебіміздің тәрбие ісі жөніндегі орынбасарлары және педагог-ұйымдастырушы, тәлімгердің ұйымдастыруымен, мектеп түлегі, ішкі істер бөлімінің үздік қызметкері, ел ағасы, құқық саласының ардагері Кетебаев Атқощы Аманғалиұлы және «Жақсылар жанымыздың серігі» кітабының авторы, әріптесі Қуанышбек Қоржынбайұлымен «Өрлікпен өрілген өмір» атты тағылымды кездесу кеші өткізілді.
Бұл кеш-өмір жолы ерлікке, еңбекке, өнегеге толы тұлғалармен жүздесіп, олардың жүріп өткен дара жолымен танысатын рухани мәні терең шара.
Кеш барысында:
-Қонақтармен ашық сұхбат;
-Бір үзік сыр. (Ұстаз, әріптес, достың сыр шертуі, лебізі);
-Сұрақ-жауап айдары
Қонақтарымыз өмірлеріндегі маңызды сәттерді, ұмытылмас естеліктерді айта отырып, жастарға бағыт-бағдар берді. «Жас сақшы» сынып оқушыларының өнерін тамашаланды.
Құрметті қонағымыз Атқощы Аманғалиұлының ұлттық аспабымыз домбырада орындаған әні мен күйі ұстаздар мен оқушыларға рухани азық сыйлап, кештің мазмұнын арттыра түсті.
Мектеп директорының уақытша міндетін атқарушы Ахметова Айнұр Өндірғалиқызы қонақтарымызға Алғыс хат пен «Мәуелі бәйтерек» энциклопедиясын сыйға тартты.
Кеш соңында ұстаздар мен оқушылар қадірлі қонақтармен бірге естелік суретке түсіп, әсерлі сәттердің шуағын жүректерінде сақтап қалды.
Кеш барысында айтылған әрбір сөз, әрбір естелік-өскелең ұрпаққа үлгі, өнеге боларлық рухани байлық болды.
